Como previr?

A prevención e erradicación do acoso escolar consiste no compromiso de crear un ambiente onde exista convivencia escolar en vez da exclusión. Para iso é importante considerar as seguintes medidas:

Estar informados e alertados

O acoso ocorre xeralmente en sitios como os baños, o patio de xogos, os corredores cheos de persoas, no transporte público, teléfonos móbiles e ordenadores. Se un profesor observa un caso de intimidación na aula, debe intervir inmediatamente para impedilo, logo debe avisar do incidente e informar ao establecemento para que se analicen os feitos, se establezan as causas e se busque unha solución que permita evitar que a situación volva a ocorrer.

Facer participar aos pais/nais ou titores/as e alumnos/as

É necesario facer participar a comunidade educativa na xeración dunha estratexia que permita previr ou intervir nas situacións de acoso.

Crear expectativas positivas con respecto ao comportamento de estudantes e adultos
A comunidade educativa debe saber explicitamente que o acoso escolar é inaceptable. Suxírese redactar documentos onde se especifique que se entende por acoso escolar.